SINGIDA UNITED NIMECHOKA MISIMU YENU WEKENI HELA NISAINI SIO MANENO MATUPU-IBRAHIM HAJIB

MSHAMBULIAJI wa Simba SC, Ibrahim Hajib Migomba amewataka viongozi wa Singida United, kuachana na kupiga simu za maneno bali waweke mzigo ili asaini mkataba wa kuitumikia kikosi cha timu hiyo kwa msimu ujao wa Ligi Kuu ya Vodacom Tanzania Bara.
Akizungumza na Mwanasport leo   asubuhi hii, Hajib amesema kwamba amekuwa akihusishwa kujiunga na wageni hao wa Ligi Kuu, walio chini ya kocha wa zamani wa Yanga, Mholanzi Hans van der Pluijm, lakini hakuna kilichofanyika hadi sasa.

Hajib amesema suala la Singida kumuhitaji halina pingamizi kutokana na kupokea simu nyingi kutoka kwa viongozi na benchi la ufundi, lakini wameshindwa kukamilisha mpango huo.
Amesema imefikia wakati amechoshwa na simu nyingi kwa sasa, bali anahitaji kuona timu hiyo ama nyingine ambayo inamuhitaji inaweka mzigo mezani ili asaini.
"Ni kweli napokea simu nyingi kutoka Singida, sasa zinachosha kama vipi waweke dau ambalo nalihitaji mezani nimwage wino,”alisema.
Hajib yuko huru kwa sasa baada ya kumaliza mkataba wake Simba SC na wakati kukiwa kuna taarifa za kutakiwa na timu mbalimbali zikiwemo za Misri na Afrika Kusini, vimwaga wapya wa fedha nyingi za usajili nchini, Singida United nao wanajitokeza kutaka huduma za fundi huyo wa mpira.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.